Gruzin sayohatlari

Veranova Tbilisi mehmonxonasiga joylashish

Sizning sayohatingiz Gruziya poytaxti Tbilisida boshlanadi, u yerda mahalliy mutaxassis gid bilan uchrashasiz va sayohatingizni boshlaysiz.

Biz sayohatimizni Shardeni ko‘chasidan boshlaymiz. Gruziya poytaxtining barcha go‘zal ko‘chalari ichida eng chiroylisi bo‘lgan Shardeni ko‘chasiga qadam qo‘yganingizdan so‘ng, tbilisiliklar aytganidek, beixtiyor savol tug‘iladi: bu mabodo Parij emasmi? Axir Yelisey maydonlari shunday ko‘rinishda-ku! Va gruzin tili uchun uning nomi aniq fransuzcha yangraydi: Shardeni. Shardeni ko‘chasining asosiy o‘ziga xosligi musiqadir. Ko‘rinib turibdiki, bunday taassurot yo‘lak, nafis binolarning devorlari, butik oynalari va ko‘plab kafe stollari tomonidan paydo bo‘ladi. Musiqa bilan tengma-teng ravishda Shardeni ko‘chasiga doimo yorug‘lik quyulib turadi. Quyoshli bo‘lmasa ham, har qalay mayin, ohanrabodek.

So‘ng Narikala qal’asi bilan tanishamiz – bu Tbilisi antik davrining eng mashhur va qadimiy yodgorligi, shaharliklar uni «shaharning ruhi va yuragi» deb atashadi. Qal’aning qurilgan sanasi taxminan eramizning 4-asriga borib taqaladi, ya’ni u shaharning o‘zi tashkil topganidan beri mavjuddir. Yo‘lda biz ko‘plab cherkovlarni ko‘ramiz va ularning tashkil topish tarixi bilan tanishamiz.

Telavi – Sharqiy Gruziyaning tarixiy mintaqasi bo‘lgan Kaxetiya markazida, Iori daryosining og‘zida joylashgan. Telavi – Tbilisi, Msxeta va Kutaisi bilan birga Gruziyaning eng qadimiy shahri. Telavi tarixi Kaxetiya tarixi bilan chambarchas bog‘liq.

Yo‘l-yo‘lakay biz knyaz Aleksandr Chavchavadzening yodgorlik uyi, ajoyib manzarali bog‘, tarixiy vino zavodi, vino yerto‘lasi, mehmonxona va kafeni o‘z ichiga olgan Sinandali saroyida to‘xtab o‘tamiz. Sinandalidagi landshaft bog‘i Gruziyadagi birinchi Yevropa uslubidagi dam olish maskanidir. Bog‘ o‘zining ekzotik o‘simliklari va rejalashtirilishi bilan ajralib turadi. Gruziyada vino birinchi marta aynan Sinandali vino zavodida shishalarga quyilgan.

Shuningdek, Tbilisidan 110 km sharqda joylashgan Kaxetiyaning eng romantik va go‘zal shahri Signaxiga tashrif buyuramiz. Shahar unchalik katta emas: Eski uylar, toshli ko‘chalar va sokin, bir maromdagi qishloq hayoti sevishganlar uchun mukammal joydir.

Ekskursiya davomida siz mahalliy aholi, an’anaviy gruzin vinolari va bu ajoyib joyning tarixi haqida bilib olasiz.

Bugun siz Batumiga yo‘l olasiz. Bir yarim soat ichida deyarli butun Batumini aylanib chiqish mumkinligiga qaramay, shahar juda ham qiziqarli va rang-barangdir. Chiroyli osmono‘par binolar va yangi imoratlar bilan qurilgan zamonaviy tumanlar, shuningdek, asosiy turistik diqqatga sazovor joylar to‘plangan shaharning eski qismi mavjud.

Sof sayyohlik nuqtayi nazaridan, Eski Batumi eng qiziqarli va chiroyli hisoblanadi. Aynan shu yerda Batumidagi diqqatga sazovor va qiziqarli joylarning asosiy qismi jamuljam bo‘lgan. Agar vaqtingiz bo‘lsa, Argo arqon yo‘lida sayr qilishingiz, Chacha favvorasi va alifbo minorasini ko‘rishingiz yoki kuzatish aylanasiga chiqishingiz mumkin.