Jozibali Qirg‘iziston

7 kun 6 kecha

Kunlar soni

Yoshi

Iyun – Sentyabr

Mavsum

Jozibali Qirg‘iziston

Qadimgi imperiyalarning Osiyo tojidagi olmos Qirg‘izistonni hozirgacha mahalliy sayyohlar o‘rganmagan. Tabiiy va tarixiy diqqatga sazovor joylarning ko‘pligi, plyajda dam olish, davolanish va chang‘i sporti imkoniyatlari jihatidan bu mamlakat haqiqatan ham tengsizdir.

Qatnovlar har dushanba kuni

VIZA

Talab etilmaydi (xorijga chiqish pasporti bo‘lganda)

Narxga kiritilgan:

Transport
- 2 kishi – Mitsubishi Delika
- 4-10 kishi – Mersedes Sprinter
Joylashish:
- Bishkek – «Discovery» mehmonxonasi 3* yoki «Garden» mehmonxonasi 4*/ «Plaza» mehmonxonasi 4*
- ChonKemin – yashovchilarnikida
- Issiqko‘l – «Karven» mehmonxonasi 4*
- Qorako‘l – «Qorag‘at» mehmonxonasi 4* yoki «GreenYard» mehmon uyi
- Qo‘chqor – aholinikida
Nonushtalar
Muzeylarga kirish
Mineral suv
ChonKeminda otda sayr

Qo‘shimcha to‘lovlar:

Toshkent –Bishkek – Toshkent aviaparvozi
- Katta yoshli kishi uchun 2 505 161 so‘mdan boshlab
Yarimpansion – 1 kishi uchun 105 AQSHdollari (to‘lov davlat kursi bo‘yicha so‘mda)
To‘liq pansion – 1 kishi uchun 210 AQSHdollari (to‘lov davlat kursi bo‘yicha so‘mda)
Gid – guruh uchun 580 AQSHdollari (to‘lov davlat kursi bo‘yicha so‘mda)
Tibbiy sug‘urta – 1 kishi uchun 6,4 AQSHdollari (to‘lov davlat kursi bo‘yicha so‘mda)
Firma xizmatlari – 1 kishi uchun 100 000 so‘m

япония, тур в японию

Dushanba, 1-kun: Bishkek

Bizning gidimiz sizni Xalqaro Manas aeroportidan 18:00 da olib ketadi va aeroportdan bor-yo‘g‘i 30 daqiqalik yo‘lda joylashgan poytaxt Bishkekka kuzatib qo‘yadi. Mehmonxonada tunash.

Seshanba, 2-kun: Bishkek

Bu kun butunlay Bishkekning diqqatga sazovor joylariga bag‘ishlanadi. Siz G‘alaba maydoni, Eman bog‘i, Olatov markaziy maydoni, Tasviriy san’at muzeyi, Milliy filarmoniya va boshqa ko‘plab diqqatga sazovor joylarga tashrif buyurasiz. Biroq rang-barang Osiyo bozoriga tashrif buyurmasangiz, Bishkek bo‘ylab sayohatingiz to‘liq hisoblanmaydi! Bu yerda siz mahalliy aholining qizg‘in hayotini suratga olishingiz mumkin. Siz tunni mehmonxonada o‘tkazasiz.

Chorshanba, 3-kun: Bishkek – Bo‘rona – ChonKemin

Bugun siz Chon Kemin darasiga borasiz. Yo‘lda siz mamlakatning eng mashhur va diqqatga sazovor joylaridan biri Bo‘ron minorasi (11-asr) va Balballardan (tosh jangchilar) iborat ochiq osmon ostidagi muzeyga tashrif buyurasiz. Qiziqarli ekskursiya va minora tepasiga ko‘tarilgandan so‘ng, sizni ChonKeminga safar kutmoqda. Bu yerda do‘stona qirg‘iz oilasi siz uchun an’anaviy tushlik tayyorlaydi. Tushlikdan keyin otda uch soatlik sayr qilamiz. Yo‘lingiz baland tog‘lardan o‘tadi, siz hatto otda tog‘li o‘rmondan ham o‘tishingiz mumkin. Yuqorida daraning xushmanzara ko‘rinishi sizni lol qoldirishi tabiiy. Kechani mahalliy aholining uyida o‘tkazasiz.

Payshanba, 4-kun: ChonKemin – Issiqko‘l (shimoliy sohil)

Bugun siz dunyodagi ikkinchi eng katta alp ko‘li (dengiz sathidan 1608 m) bo‘lgan muhtasham Issiqko‘lga tashrif buyurasiz. Uning uzunligi 180, kengligi esa 60 kilometrdir. Bu ko‘l «Markaziy Osiyo durdonasi» hisoblanadi. Bir yarim ming yildan ortiq vaqt davomida mahalliy xalq bu ko‘lni muqaddas deb hisoblagan. Issiqko‘l suvi sho‘r bo‘lgani uchun shifobaxsh xususiyatga ega. Siz ko‘lga yaqinlashib, atrofdagi tog‘larni tomosha qilishingiz mumkin. Sovet davrida faqat davlat amaldorlari ko‘lda shaxsiy dam olish uylariga ega bo‘lishgan. Cho‘lpon otada qadimiy qoyatosh rasmlari – petrogliflar joylashgan joyga tashrif buyurasiz. So‘ngra Cho‘lpon ota shahrida joylashgan, dunyoning turli madaniyati, xalqlari tarixi va ma’naviy merosini o‘zida mujassam etgan Chingiz Aytmatov nomidagi «Rux O‘rda» madaniyat markaziga, shuningdek, mahalliy etnografik muzeyga tashrif buyurasiz. Kechki ovqat va tunash mehmonxonada bo‘ladi.

Juma, 5-kun: Issiqko‘l – Grigoryevskoye – Qorako‘l

Nonushtadan so‘ng, Issiqko‘lning shimoliy qirg‘og‘i bo‘ylab Qorako‘l shahriga yo‘limizni davom ettiramiz. Yo‘lda biz Grigoryevskoye deb nomlangan eng go‘zal daralardan birida to‘xtab o‘tamiz. Ushbu hudud milliy bog‘ning bir qismidir. Bu yerda siz tepalari qor bilan qoplangan ulug‘vor tog‘lar, shuningdek, ko‘k va yashil archalar o‘sgan yonbag‘irlar manzarasidan bahramand bo‘lishingiz mumkin. Qorako‘lda siz Dungan masjidini ziyorat qilasiz. Uning o‘ziga xos jihatidan biri shundaki, u xitoycha uslubda va mix ishlatmasdan qurilgan. Masjiddan keyin siz yog‘ochli qadimiy rus pravoslav cherkoviga tashrif buyurasiz. Tunni mehmonxonada o‘tkazasiz.

Shanba, 6-kun: Qorako‘l – Jeti O‘guz – Qo‘chqor

Bugun biz Jeti O‘guz darasiga boramiz. U o‘zining «Yetti ho‘kiz – Jeti O‘guz» deb nomlangan qizil tosh hosilalari bilan mashhur. Siz singan yurak ko‘rinishidagi tog‘ni ham ko‘rasiz. Agar xohlasangiz, darani to‘liq ko‘rish uchun toqqa chiqishingiz mumkin (20 daqiqa). Keyin sayohatimizni davom ettirib, Bo‘konboyevo qishlog‘ida to‘xtab, u yerda burgutli mahalliy ovchi bilan uchrashamiz. U burgutlar yordamida quyon va tulkilarni ovlaydi (koʻchmanchilarning anʼanaviy ov usuli). Mahalliy aholining uyida tunaymiz.

Yakshanba, 7-kun: Qo‘chqor – Bishkek

Qo‘chqor qishlog‘ida mahalliy oila milliy kigiz gilamlari qanday tayyorlanishini ko‘rsatib beradi. Siz hatto kigizchilik san’atini o‘rganishingiz va o‘zingiz ushbu gilamlardan birini to‘qishingiz mumkin! Kigizingizni rangli jun bilan chizishingiz va keyin junni maxsus tarzda o‘rab, chiroyli gilam hosil qilishingiz ham mumkin. So‘ng kichik hunarmandchilik muzeyiga tashrif buyuramiz. U yerda kumush taqinchoqlar, boʻri po‘stini, ot jabduqlari, gilamlar va boshqalar nihoyatda koʻp. Shundan so‘ng siz Qirg‘iziston poytaxti – Bishkek shahriga yo‘l olasiz. Tushlikdan keyin xaridlar uchun vaqtingiz bo‘ladi. Mehmonxonada tunash.

Dushanba, 8-kun: Bishkek – Ola Archa – Bishkek – Uchib ketish

Bugun biz Ola Archa darasi tabiiy parkiga tashrif buyuramiz. Sovet davrida bu bog‘da faqat davlat amaldorlariga sayr qilishga ruxsat berilgan. Ola Archa Bishkekdan atigi 45 km uzoqlikda, Tyan-Shan etaklarida joylashgan. Darani tomosha qilish uchun siz kichik piyoda sayohat uyushtirishingiz mumkin. Go‘zal tog‘ sharsharasini ko‘rish uchun biroz ko‘proq piyoda yurishga to‘g‘ri keladi. Sayohat oxirida Bishkekka qaytib, so‘ngra soat 19:40 da Toshkentga jo‘nab ketish uchun aeroportga o‘tamiz.

Qadimgi imperiyalarning Osiyo tojidagi olmos – Qirg‘iziston hozirgacha mahalliy sayyohlar tomonidan o‘rganilmagan. Tabiiy va tarixiy diqqatga sazovor joylarning ko‘pligi, plyajda dam olish, davolanish va chang‘i sporti imkoniyatlari jihatidan bu mamlakat haqiqatan ham betakrordir. Qirg‘iziston hududida Tyan-Shan va Pomir tizmalarining «samoviy tog‘lari» bor, bu yerda eng toza baland tog‘li Issiqko‘l Chingizxon boyligini o‘zida yashirgan, yong‘oq o‘rmonlari o‘sadi va issiq oltingugurt buloqlari qaynab oqadi. Biroq Qirg‘iziston sayyohlar uchun juda ko‘p kutilmagan sovg‘alar tayyorlagan: rang-barang uylar va kigiz gilamlari (va juda yaxshi mehmonxonalar), qimiz va O‘sh palovi, an’anaviy ot poygalari, qo‘shiqlar, ertaklar va afsonalar. Bir so‘z bilan aytganda, bu shon-shuhratga burkangan Qirg‘izistondir!

Buyuk ipak yo‘lining tabiiy diqqatga sazovor joylari va qadimiy shaharlari sayyohlarni eng ko‘p jalb qiluvchi maskanlardir. Davlat hududida Tyan-Shan va Pomir tizmalari joylashgan, bu yerda sayyoramizning eng katta va eng chuqur koʻllaridan biri – Sharq shoirlari kuyga solgan Issiqkoʻl, baland togʻ vohasi Arslonbobning yongʻoq oʻrmonlari, Jeti Oʻguz darasi va radon-vodorod sulfidli termal buloqlar, afsonaviy Soʻng-Koʻl va Sariqchelak, ulkan Inilchek muzliklari va boshqa koʻplab tabiat moʻjizalari joylashgan. Tog‘ ixlosmandlari Lenin, Pobeda va Xontangri cho‘qqilariga chiqishadi, trekking muxlislari Turkiston tizmasi va G‘arbiy Tyan-Shan ko‘llarini o‘rganishadi, chang‘ichilar esa mavsumning ochilishini kutib o‘tirishmay, Qashqasuv, Norus va Tog‘oshuvga chiqishadi. Aytgancha, Qirg‘iziston chang‘i va paraplanda uchish uchun ajoyib imkoniyatni taqdim etadi.

Bishkekning diqqatga sazovor joylari: qadimiy va rang-barang Oʻsh bozori, Olatov maydoni, Mustaqillik monumenti va parlament binosi, Milliy tarix muzeyi va sanʼat muzeyi, tarixiy eman oʻrmoni va Erkinlik galereyasi. Shahar yaqinida «Baytik vodiysi» tabiiy bog‘iga tashrif buyurish va Bishkekning go‘zal manzarasini taqdim etadigan Bo‘z-Peldek tog‘iga chiqish mumkin. Tog‘ning janubiy yonbag‘rida vodiyning afsonaviy hukmdori dafn etilgan «Xon qabrlari» qabristoni joylashgan. Ajoyib gumbazli soxta minora e’tiborga loyiq. Siz Chon-Ariq botanika qo‘riqxonasida noyob o‘simliklarni ko‘rishingiz, Kamishanovka qishlog‘idagi torf loy konida salomatligingizni mustahkamlashingiz mumkin.

Narxlar:

3*li mehmonxonalar

1 kishi uchun narx:

2 kishilik guruh – 10 424 000 so‘m

3 kishilik guruh – 7 945 000 so‘m

4 kishilik guruh – 7 000 000 so‘m

5 kishilik guruh – 6 315 000 so‘m

6 kishilik guruh – 5 840 000 so‘m

8 kishilik guruh – 5 260 000 so‘m

10 kishilik guruh – 4 900 000 so‘m

Narxlar:

4*li mehmonxonalar