Istanbuldan Kappadokiyaga (6 kun/5 kecha)

ISTANBUL – sirli va muhtasham, sershovqin va ertaknamo go‘zal Istanbul – bu Yevropa va Osiyo, an’anaviy Sharq va zamonaviy G‘arb o‘rtasidagi ko‘prik. O‘zining boy tarixi davomida u nomini bir necha marta o‘zgartirishga va Rim, Vizantiya, Usmonlilar va Lotin imperiyalarining poytaxti bo‘lishga ulgurdi.

KAPPADOKIYA – siz geografik xaritadan topa olmaydigan sirli joy. Antik davrga borib taqaluvchi nom va ushbu provinsiyani o‘rab olgan sir-u sinoat tarixning ajralmas qismi hisoblanadi. Million yillar avval vulqondan chiqqan lava va tabiiy jarayonlar tufayli bu yerda noyob, o‘zga sayyoranikiga o‘xshash, minglab tosh qo‘ziqorinlar va turli xil rang hamda o‘lchamdagi haykallardan iborat manzara yuzaga keldi. Mahalliy aholi orasida keng tarqalgan rivoyatga ko‘ra, bu yerda farishtalar yashaydi, deb hisoblanadi. Kappadokiyadagi har bir yil – bu osmon ostidagi noyob, o‘ziga xos muzey.

Kappadokiyaga borganda beixtiyor boshqa sayyoraga tushib qolgandek fikr uyg‘onadi – ko‘z o‘ngingizda namoyon bo‘luvchi landshaftlar shu qadar betakror va hech narsaga o‘xshamaydi. Bu yerda uchini qor qoplagan vulqonlar, baland bo‘lmagan, alohida turgan tog‘lar, qoya massivlari va farovon vodiylar bor.