Kushadasi Egey sohilining Yevropa kurortlari

Uni insonlar ham, qushlar ham yaxshi ko‘radi. U Bibi Maryamni-yu qonxo‘r qaroqchi Barbarossani ohanrabo singari o‘ziga jalb qilgan. Uni «Egey sohilining marvarid ko‘z yoshi» deyishadi, biroq u haqda tabassum bilan so‘zlashadi. KUSHADASI – yagona va betakror.

«Qushlar oroli» – uning g‘aroyib nomi shunday tarjima qilinadi. Chindan ham, ushbu shaharning qoq markazida qit’a bilan uyma damba orqali ulangan Kaptar oroli joylashgan. Ming yil oldin u yerga qushlar o‘rnashib olishgan. Tez orada qushlar chaqirig‘iga javob sifatida insonlar ham paydo bo‘lishgan. Endi qal’ada osoyishtalik hukmron: u tom ma’noda gullayotgan bog‘larga burkangan, uning ichida esa sevishganlar vaqtlarini maroqli o‘tkazishlari mumkin bo‘lgan restoran joylashgan. Kushadasining yonida qadimiy Efes joylashgan. U yerda Bibi Maryam uyini, afsonaviy Artemida ibodatxonasini (dunyoning yetti mo‘jizasi), qadimiy amfiteatr va gladiatorlar jangi o‘tkazilgan maydonni ko‘rish mumkin. Efesdan tashqari, Kushadasi qadimiy Troya, Pergam, Afrodizias, Iyerapolis, Pomukqal’a va qadimiy faylasuflar vatani – Miletga qo‘shnidir.

Kushadasi o‘z tabiati – sizni iqlimga moslishishdan xalos qiluvchi va Turkiyaning iliq havosi hamda Dilek milliy parkining rang-barangligidan bahra olishga imkon beruvchi nihoyatda yumshoq iqlimi bilan lol qoldiradi. Faol dam olishni yoqtiruvchilar Kushadasida o‘zlariga yoqqan mashg‘ulotni topishlari mumkin: baliq ovlash, dayving, shoping va Yevropadagi eng yirik va qiziqarli akvaparkka tashrif buyurish!

15 yil oldin Kushadasi sayyohlarga noma’lum bo‘lganiga ishonish qiyin. Bugun u shinam mehmonxonalar, musaffo plyajlar, orombaxsh restoranlarga ega Turkiyaning eng yaxshi kurortlaridan biridir. Qadimiy obidalar va sharqona bozorning xushbo‘y iforlari, kechqurunlari sayr qilging keladigan tor ko‘chalar sizni kutmoqda.